Tuesday, December 10, 2013

Ձյուն...

Ձյունը երկար սպասեց գիշերվա խորհրդին,
Մինչև լույսերը հանգան, ու ձայները լռեցին,
Ու հանկարծ գիշերվա մեջ ինչ-որ բան զրնգաց,
Խենթի պես պարելով` փաթիլներն իջան ցած:
Ձյունը գալիս է դանդաղ, ձյունը իր երգն է երգում,
Ձյունը իջնում է թեթև, ձյունն իր հեքիաթն է պատմում:
Արծաթե թիթեռնիկներ, պոկված կապույտ հեքիաթներից,
Թևածելով իջան ներքև, երգով լցրին քաղաքը ծեր,
Ու երազկոտ կտուրներին բերին ճերմակ հանդարտություն,
Ու երազկոտ կտուրներին բերին ճերմակ հանդարտություն...
Ձյունը գալիս է դանդաղ, ձյունը իր երգն է երգում,
Ձյունը իջնում է թեթև, ձյունն իր հեքիաթն է պատմում...
Ոսկեծամ գեղեցկուհի, առանց քեզ ես չեմ ապրի,
Առանց քեզ ձյունը ճերմակ, ախ, շուտով կդադարի,
Հայտնվի’ր գիշերվա իրական հեքիաթում,
Որ մինչև լուսաբաց մեզ իր գիրկն է առնում...
Ձյու’ն, սպիտա’կ ձյուն, մեղքերիս բե’ր թողություն,
Սպիտա’կ ձյուն, իմ ճերմակ քնքուշություն,
Սպիտա’կ ձյուն, իմ ճերմակ մանկություն….
Արծաթե թիթեռնիկներ, պոկված կապույտ հեքիաթներից,
Թևածելով իջան ներքև, երգով լցրին քաղաքը ծեր,
Ու երազկոտ կտուրներին բերին ճերմակ հանդարտություն,
Ու երազկոտ կտուրներին բերին ճերմակ հանդարտություն...


Ռ.Հախվերդյան

Հեքիաթը սկսվեց...

Ամեն անգամ ձյան գալուստը մի նոր հեքիաթ է բերում մեզ` կյանքի սովորական առօրյայից երբեմն կտրվել ցանկացող և ավելիին  սպասող էակներիս : Հեքիաթ, որ կպարուրի մեզ ճերմակ քողով ու կտանի հեռու~  հեռու շինծու  իրականությունից..
Ձյունը նորից հանդարտ իջնում է...խոսում մեր սրտերի հետ` առանց եթեների, առանց բայցերի...նորից հիշեցնում է,որ մենք էլ հեքիաթի մի մասնիկն ենք...
Սիրում եմ ձյունը`իր հանդարտությամբ,խենթությամբ...

Ուզում եմ այն մաքրի մեզ.. լցնի մեր սրտերը ավելի լավի սպասումով.. դարձնի մեզ ավելի բարի ու հադուրժող...հանի մեր մեջ բույն դրած չարությունն ու նախանձը... 
Հույս ներշնչի...
Մարդիկ երբեմն այնքան չար ու դաժան են` իրար հանդեպ..բնության հանդեպ..իրենք իրենց հանդեպ.. Երբեմն թվում է,աշխարհում այլևս ոչ մի կաթիլ բարություն չի մնացել..բոլորն ապրելու գերագույն իմաստ են դարձրել ուրիշների վրայով քայլելը..ուրիշների ցավով հրճվելը... Չկա կարեկցանք, չկա հոգի...
Ամեն անգամ ձյան գալուստն ինձ այնքան է ոգևորում...հենց այդ ժամանակ եմ ես հեքիաթներին կուրորեն հավատացող մանուկի պես հույսով լցվում,որ ամեն ինչ փոխվելու է` մարդիկ` ձյան պես մաքուր ու ջինջ սիրով են լցվելու...կյանքը երազ է դառնալու...
Այսօր ես էլի հավատում եմ...

Tuesday, September 17, 2013

Не могу я без тебя...А С ТОБОЮ БИТЬ ТЕМ БОЛЕЕ!!!

Говорить правду так неохота...
Особенно если это были три года нашей любви...
Поцелуи терпко и долго
Особенно если иx было так много, все позади...


Солнце в зените, холод в правой руке
Ты была так близко, а теперь вдалеке...
Чтобы ты не сошла с ума - Я сказал что просто болен
Не могу я без тебя, a с тобою быть тем более...
Конечно можно сделать попытку
Вернуть все обратно капроновой ниткой пришить 
любовь...
Но если верить прожитому веку,
То даже дважды тебе в одну реку
М-м-м.....

Солнце в зените, холод в правой руке, ты была так близко, а теперь вдалеке....

Звезды на небе тоже ошибаются....
И если мы встретились значит так надо!!!



(Иван Дорн - Не могу я без тебя)

Friday, September 6, 2013

МОЛИТВА

Господи...
Дай мне силу верить в себя...
Дай силу верить в доброту и чистоту других...
Дай верить и доверять чужих  как самого себя и не разочароваться...
Дай терпеть боль и грусть...
Дай  прощать обиды и забыть...
Дай не замечать плохое...
Дай увидеть во всем лучик позитивного света...
Дай жить и творить...
Дай любить жизнь!!!

Saturday, August 3, 2013

Փոքրիկի սնունդը

Փոքրիկ երեխայի օրգանիզմը շատ նուրբ և զգայուն կառուցվածք ունի: Այն, թե ինչ կուտի երեխան կյանքի առաջիկա երեք տարում մեծ նշանակություն կունենա ապագայում նրա առողջության վրա: Հոգացեք, որպեսզի երեխան ստանա միայն ամենաթարմ և օգտակար սնունդ: Nestle-ի գիտական խորհրդատուները մշակել են կերակրման ճիշտ պլան, որը կօգնի ծնողներին կողմնորոշվել, թե ինչպես կերակրել երեխային կյանքի տարբեր ժամանակահատվածներում, որպեսզի նա մեծանա առողջ և ճիշտ զարգանա:




Առաջին ամիսներ ( 1-4 ամսեկան)

Առաջիկայում օրվա մեծ մասը փոքրիկը քնած է անցկացնում, իսկ երբ արթնանում է, ուտում է: Միայն այս շրջանում է երեխան այդքան արագ մեծանում` ամեն ամիս փոքրիկի հասակը ավելանում է 3սմ-ով, իսկ քաշը 600գր-ով: Փոքրիկը ակտիվորեն զարգանում և նոր հմտություներ է ձեռք բերում:

Արդեն երրորդ շաբաթում նա կարող է իր հայացքը ֆիքսել անշարժ իրերի վրա, իսկ փորիկի վրա պառկած լինելով ոչ միայն կփորձի թեքել գլուխը, այլ նաև կփորձի բարձրացնել այն և պահել մի քանի վարկյանով: Այն ամենը, ինչ հիմա անհրաժեշտ է ձեր փոքրիկին կա մայրական կաթի մեջ: Այն փոքրիկի համար լավագույն սնունդն է, ինչպես նաև պաշտպանություն զանազան հիվանդություններից:  

Առաջին փուլ (4-6 ամսեկան)

Ձեր փոքրիկը արդեն մի քիչ մեծացել է: Նա ակտիվորեն ուշադրություն է դարձնում շրջակա միջավայրին և նույնիսկ սկում է «բլբլալ», կրկնում է իր լսած ձայները, աստիճանաբար հասարակ ձայներից անցնում է ավելի բարդ ձայների «գու-գու», «աղու», «հա-հա»:

Երեխայի մոտ արդեն ձևավորվել է մարսողական համակարգը` ստամոքսը մեծացել է, ամրապնդվել են երիկամները, վերափոխվել են աղիները: Ծծողական ռեֆլեքսը աստիճանաբար նվազում է և փոխարինվում է ծամողական ռեֆլեքսով: Ժամանակն է փորձել փոքրիկին սնունդ տալ գդալով:

Երկրորդ փուլ (6-8 ամսեկան)

Ձեր փոքրիկը արդեն յոթ ամսեկան է, նա կարողանում է չոչ անել և հայացքով փնտրում է իր խաղալիքները, երբ կորցնում է դրանք իր տեսադաշտից: Շատ շուտով կերևա առաջին ատամը, իսկ դա նշանակում է. Որ արդեն նոր ուտեստներ փորձելու ժամանակն է: Այժմ փոքրիկին կարելի է առաջարկել շիլաներ, համեղ կաթնային դեսերտներ և նույնիսկ շատ մանր աղացած միս:


Համաձայն դիետոլոգների կարծիքի, այս տարիքից սկսած մայրիկները կարող են փորձել փոքրիկներին օրեկան հինգ անգամ կերակրել:

Այս տարիքում փոքրիկը շատ շարժունակ է դառնում` չոչ է անում, նստում, պառկում: Նա ամեն ինչ փորձում է իր ձեռքերով վերցնել: Թույլ տվեք երեխային ինքնուրույն փորձել ուտել` դա օգնում է փոքրիկին զարգացնել ձեռքերի շարժունակությունը և երևակայությունը:

Երրորդ փուլ (8-12 ամսեկան)

Այս շրջանում երեխաների քաշը ամսեկան ավելանում է մոտ 500գր-ով, իսկ հասակը 2սմ-ով: Աճի տեմպերը մի քիչ նվազում են, փոխարենը արագ զարգանում են ֆիզիկական հմտությունները և հոգեբանությունը: Սա յուրահատուկ և շատ կարևոր շրջան է, երբ բացահայտվում է փոքրիկի ինքնությունը և նա սկսում է ցուցաբերել իր հմտությունները:

Փոքրիկը արդեն ծանոթ է մրգերի և բանջարեղենի հետ, այդ պատճառով մյուս ամիսների ընթացքում նա կհամտեսի արդեն ծանոթ ճաշատեսակները, սակայն փոքրիկ կտորներով: Այս տարիքում փոքրիկը արդեն կարողանում է տարբերել և գնահատել համերի և մթերքի համակցությունը: 

Չորրորդ փուլ (12 ամսեկանից բարձր)

Որքան ուրախալի և հաճելի իրադարձություններ են տեղի ունեցել ձեր կյանքում երեխայի ծննդից հետո: Առաջին ժպիտը, առաջին խոսքերը, առաջին ատամները, բլբլոցը, որը հիմնականում կազմված է առանձին ձայներից կամ վանկերից:

Սակայն, եթե ձեր փոքրիկը շուտով մեկ տարեկան է դառնում և դեռ չի խոսում, պետք չէ անհանգստանալ, երեխաների մեծ մասը սկսում են խոսել մեկ տարեկանից հետո: 

Մանկաբույժները խորհուրդ են տալիս ծնողներին չշտապել երեխային կերակրել նույն սնունդով, որից օգտվում են մեծերը: Չէ որ մեկ տարեկան և բարձր երեխաների մարսողական համակարգը տարբերվում է մեծահասակի մարսողական համակարգից: Հետևեք առողջ սննդի և ճիշտ պատրաստման պարզ կանոնների և ամեն ինչ բարեհաջող կանցնի:

Եվ, իհարկե, յուրաքանչյուր տարիքում շատ կարևոր է, որ երեխայի շուրջը ստեղծվի հարմարավետ ընտանեկան միջավայր: Շատ կաևոր է, որ փոքրիկը չզգա ոչ մի անհարմարավետություն, միշտ լինի սիրված և երջանիկ:

Նյութը վերցված է  mybaby.am  կայքից

Պետք չէ թունավորել երեխաներին գունեղ սննդով

Վերջերս չափազանց շատ եմ ականատես լինում դեպքերի, երբ երեխաները չարաշահում են   առանց այդ էլ  իրենց համար  շատ վտանգավոր, անգամ հակացուցված սննդի ու խմիչքի  օգտագործումը:


Սարսափելի է անգամ պատկերացնել այն տեսարանը եվ  հիստերիայի նոպաները, որ փոքրիկները սարքում են իրենց պահանջած կոնֆետը կամ գազավորված ըմպելիքը չստանալու դեպքում: Զարմանում եմ ուղղակի, ինչպես են ծնողները երեխաներին անգամ մոտ թողնում այդ չարիքներին, որ նույնիսկ մեծերի կյանքի համար է երբեմն վտանգավոր լինում:
Ստացվում է, որ երկու դեպքում էլ երեխայի առողջությանը մեծ վնաս է հասցվում. մի դեպքում փոքրիկի «խաթրով գնալու» համար տալիս են նրան այն՝ ինչ պահանջում է, վնաս հասցնելով  նրա՝ դեռ զարգացման փուլում գտնվող օրգանիզմին, իսկ մյուս դեպքում մերժում են՝ դառնալով նրա շարունակական լացի, հիստերիայի նոպաների ու ագրեսիվության պատճառ:

Հաճախ եմ լսում.«ախր տես ոնց է ուզում,ո՞նց մերժեմ»,- արտահայտությունը:
Պարզ չէ՞, որ եթե փոքրիկը փորձած ու հավանած չլիներ,նրա համար այդքան ցանկալի չէր դառնա տվյալ կոնֆետը կամ ըմպելիքը:
Թվում է՝ ելք չկա: Իրականում այս ամենից կարելի  է խուսափել  գրագետ ու ճիշտ մոտեցում ցուցաբերելու շնորհիվ, դեռևս երեխայի զարգացման ամենավաղ փուլում, չդարձնելով նրան այն բոլոր վատ ու վտանգավոր սովորությունների գերին, որոնց դեմ հետո ստիպված կլինեք պայքարել:
Կարծում եմ  գրագիտության ու վտանգի զգացողության պակասից է միայն, որ մեր որոշ «խելոք» մեծերը երեխային կարող են ալկոհոլ տալ,մեկնաբանելով, որ մի կաթիլը նրան ոչինչ չի անի, ավելին՝ հանգիստ մուշ-մուշ կքնի:Մանկահասակ երեխաներին հատկապես հեշտ է «խաբել» նաև տարատեսակ  «համեղ ու գունավոր»  թույներով՝ գազավորված ըմպելիքներ, մաստակներ, անորակ շոկոլադ, թխվածք, պաղպաղակ,չիփսեր, ձողիկներ....



Այդ պահին  թվում է, թե բոլորը գոհ են՝ երեխան «սնվում» է, ամենակարեվորը՝ ԼՈՒՌ Է, չի լացում, չի բողոքում, իսկ ծնողները հանգիստ կարող են զրուցել ու զբաղվել իրենց գործերով: Իրականում ծնողներն իրենք իրենց ձեռքով երեխային հանձնում են ամենավտանգավոր թշնամու՝ կախվածության ձեռքը, որից ազատվելը հետագայում նրանց համար դառնալու է մեծ գլխացավանք, անհավասար պայքար, որ ոչ միշտ է ունենում դրական ավարտ՝ ի օգուտ առողջ փոքրիկի եվ անհոգ ծնողի:




Ավելորդ եմ համարում անգամ խոսել վերոհիշյալ սննդամթերքների վնասակար ազդեցության մասին, քանի-որ համոզված եմ՝ յուրաքանչյուրիս է հայտնի հենց օրինակ գազավորված ըմպելիքների բթացնող ազդեցությունը և այն, որ այս ըմպելիքները վատ ազդեցություն են ունենում հատկապես հիշողության,ընկալելու ունակության եվ  ուղեղի զարգացման վրա: Կամ, օրինակ, ու՞մ հայտնի չե ճարպակալմանը և օրգանիզմում խոլեստերինի ավելացմանը նպաստող շոկոլադե սալիկների, չիփսերի ու դոնաթսների վնասակար  ազդեցությունը:
Ցանկացած պարագայում,սնունդ ընտրելիս, լինի դա մանկիկի, թե մեծահասակի համար, պետք է լինել առավելագույնս զգոն և  խելամիտ, հետևել ժամկետների ճշգրտությանն ու բաղադրիչների թարմությանը:
Իսկ երեխաների պարագայում եկեք փոքր ինչ ավելի հետևողական լինենք. չէ՞  որ նրանց օրգանիզմը դեռ շատ փխրուն է ՝ բարենպաստ միջավայր տարատեսակ հիվանդությունների ու վարակների առաջացման ու զարգացման համար:
Եվ  ի վերջո՝  երեխան երեխա է, պատասխանատուն այս դեպքում մենք ենք՝ մեծերս:


Thursday, August 1, 2013

Մի քիչ պոզիտիվ..



Պետք չէ տխրել դատարկ բաների կամ մարդկանց պատճառով... Պետք է միշտ ուրախանալ, նրանով, ինչով կարող ես...նրանով, ինչն այդ պահին քեզ կարող է ժպիտ պարգեվել...
Չարժե կորցնել երջանկությունը վայելելու թանկ րոպեները անիմաստ մանրուքների վրա կենտրոնանալով, անգամ եթե այդ պահին դրանք մանրուքներ չեն թվում...
Չարժե նեղանալ այն մարդկանցից,ովքեր խանգարում են քո ուրախությանը, ովքեր իրենց արարքներով ու խոսքերով փչացնում են տրամադրությունդ, կոտրում ոգևորվածությունդ...
Նման մարդկանց ուղղակի պետք է անտեսել ու պետք չէ կարևորություն տալ նրանց խոսքերին...
 Ժպտալ է պետք, երազել, ապրել, գնահատել կյանքի ամեն մի վայրկյանը, չնկատել վատը եվ միշտ ու ամեն ինչում գտնել դրականը ու կառչել դրանից...

Friday, May 24, 2013

First post - վերջին զանգ...:)


Էսօր օդի մեջ չափազանց շատ են դրական էներգիան ու հուզմունքը..

Լիքը էրեխեք` տաքարյուն, զգացմունքային, խելոք, խելառ ու սիրուն  էսօր փակում են մանկության դռներն իրենց հետևից ու նայում  առաջ` դեպի նոր` դեռ անծանոթ ու սպասված <<Նոր իրականություն>>, հասուն կյանք...





...Մի քայլ առաջ ու մենք այլևս երեկվա դպրոց շտապող աշակերտները չենք: Էսօրվանից մենք ուրիշ ենք` ավելի <<մեծ>>, ավելի հասուն, սիրուն, ուրախ ու տաք...

ԴԵՌ տաք, որովհետև չենք զգում, որ փակում ենք մեր կյանքի ամենամաքուր ու ամենաերջանիկ օրերի դուռը, շտապում ենք մեծանալ, մի վայրկյան առաջ հայտնվել <<մեծերի>> մեծական աշխարհում: 



Ես արդեն վեց տարի էդ աշխարհում եմ ապրում...

Այստեղ իհարկե լավ է, էրեխեք ջան, բայց այստեղ այնքան շատ է զգացվում մեր այդքան անկեղծ ժպիտների, մաքուր ու անարատ զգացմունքների, անմեղ ու անաղարտ հոգիների կարիքը, այստեղ այնքան է զգացվում մեր փոքրիկ, բայց սպասված ու արժանի հաղթանակների կարիքը... 
Մի թողեք էդ ամենը փակ դռների հետևում, վերցրեք ձեզ հետ, ամուր պահեք ու մի մոռացեք, թե ով եք դուք, և թե ովքեր եք դուք մեկդ մյուսի համար` հարազատ, անբաժան ընկերներ` ԸՆՏԱՆԻՔ!!!



Սիրելի շրջանավարտներ, շնորհավորում եմ բոլորիդ: 
Մաղթում եմ, որ հնարավորինս գիտակից ու աչալուրջ լինեք ձեր կյանքի ուղին հարթելու ճանապարհին, դժվարություններից չընկրկեք, իսկ հաջողություններից չկուրանաք:
Մաղթում եմ, որ կատարվեն ձեր ու ձեր ծնողների նվիրական երազանքները: Արդարացրեք ձեր մամաների ու պապաների հույսերը. նրանք հաստատ արժանի են:
Ապրեք ուրախ, եղեք բարի, խելոք ու խելացի...
Դարձեք պիտանի քաղաքացիներ մեր սիրելի Երևանի համար...
Ձեզ բարի երթ...


P.S. Կարոտել եմ ՔԵԶ 10-ի <<Դ>>